Meðferðir

Andlit
Augu
Fætur
Hendur
Vax
Varanleg háreyðing
Líkamsmeðferðir
Gelneglur
Förðun
Airbrush
           
Andlitsmeðferðir bæði fyrir dömur og herra

Við hjá snyrtistofunni bjóðum upp á margar mismunandi andlitsmeðferðir í mörgum verðflokkum. Andlitsmeðferðirnar eru allt frá hefðbundnu  andlitsbaði og húðhreinsun upp í hágæða dekur svo viðskiptavinurinn upplifi vellíðan og slökun í rólegu umhverfi.

Í andlitsmeðferðum okkar undirstrikum við dekur, vellíðan og slökun. Hver meðferð byggir fyrst og fremst á húðgreiningu og síðan er húðin meðhöndluð eftir því.  Meðferðirnar byggjast upp með hreinsun, djúphreinsun, gufu eða hitagrímu (sem gefur gufubaðsáhrif). Eftir hreinsun fær viðskiptavinurinn nudd niður á háls, axlir, bringu og andlit. Að lokum er viðeigandi maski lagður á húðina.
Markmið okkar er að bjóða upp á bestu fáanlegu húðmeðferð sem völ er á hvort sem um er að ræða hefðbundna andlitsmeðferð eða sérhæfðar lúxusmeðferðir.

 

Klassískt andlitsbað með eða án ampullu (60 mín)
Hefðbundin andlitsmeðferð sem hentar öllum konum sem körlum. Húðgreining, yfirborðshreinsun, djúphreinsun, gufa, kreistun (ef með þarf), andlits-herða-og bringunudd. Að lokum er maski lagður á.


 

 

Lúxusandlitsbað  Catiovital   (60 mín)
Notuð eru mjög virk efni sem ganga vel niður í húðina með jónun. Sannkölluð styrkingarmeðferð fyrir húð sem þarfnast upplyftingar til að öðlast unglegra útlit.
Húðin er yfirborðshreinsuð, djúphreinsuð og hitagríma lögð á andlit. Síðan er kreist ef með þarf, og húðin jónuð með geli og ilmolíunudd á andlit og herðar. Að lokum er viðeigandi maski lagður á andlit.
Þetta er mjög virk meðferð fyrir allar húðgerðir (rakagefandi, sefandi, hreinsandi, styrkjandi og þéttandi). Hægt er að bæta  húðslípun og eða þörungamaska inn í meðferðina eftir þörfum. 

 

 


 

 

Lúxusandlitsbað með Casmara þörungum og nuddi á  hendur (60 mín)
Frábær og fullkomin meðferð fyrir allar húðgerðir sem er mjög vinsæl hjá okkur. Í meðferðinni eru 8 tegundir af mismunandi þörungaandlitsmaska sem gerður er úr þörungaafleiðum sem innihalda tífalt meira af snefilefnum og andoxandi efnum heldur en venjulegum jurtum. Maski er svo valinn sem hentar húðgerð hvers og eins. Boðið er upp á meðferðir sem eru afeitrandi, hreinsandi, rakagefandi, stinnandi, endurlífgandi, súrefnisbindandi, slakandi, róandi og andoxandi. Til að ná sem bestum árangri er mælt með því að taka 4 til 6 vikna kúr og síðan viðhald á  fjögurra til sex vikna fresti. Við bjóðum nudd á hendur með Casmaraandlitsbaði.

 

Acad'aromes luxus (90 mín)
Hrein ævintýraferð frá Acad‘aromes lúxus ilmolíumeðferð
Meðferðin byrjar á baknuddi þar sem notað er sérstakt ilmolíukerti sem breytist í nuddolíu, því næst tekur við andlitsmeðferð með lúxus ilmolíum sérsniðnum eftir þörfum hvers og eins. Upplifðu vellíðan og slökun.


  

Academie andlitsbað með modelling maska og ampullu (75 mín)
Sérmeðferð fyrir þurra, vannærða og viðkvæma húð sem skortir raka. Húðin verður bjartari og sléttari. Til að ná góðum árangri er mælt með því að koma 1x  í viku í 4 vikur eða sem viðbót í andlitsbað.

 


Ávaxtasýrurmeðferð  AHA sýrur (50 -60 mín)
Þetta er mjög öflug húðflögnunarmeðferð. AHA sýrur er efni sem er fært um að meðhöndla jafn ólík vandamál og bólur og ellimörk húðarinnar. Áhrifarík húðmeðferð sem örvar frumuendurnýjun, dregur úr fínum línum, og brúnum blettum og lagar skemmda húðvefi. Kemur í veg fyrir stíflaða kirtla og hefur mjög hreinsandi áhrif á húðina. Áhrifaríkast er að koma í 4 – 6  meðferðir með viku millibili og viðhalda síðan.


Heitsteinaandlitsbað (60 eða 90 mín)           
Slakandi djúpvirkandi andlitsmeðferð með heitum steinum (það er nuddað með heitum steinum). Með því að nota heita steina við nuddið er farið fimm sinnum dýpra niður í húðina en í hefbundnu nuddi. Bjóðum upp á rakamaska og / eða  þörungamaska á eftir. Þú ferð frá okkur í sæluvímu og húðin ljómar fallega svo þú vilt örugglega koma aftur og aftur.


Húðslípun (45 mín)
Ultrapeel Pepita er ný tækni við örslípun húðarinnar þar sem notaðir eru dauðhreinsaðir kórundumkristallar til að ná fram flögnunaráhrifum (dauðar húðfrumur fjarlægðar) sem er mjög örvandi fyrir starfsemi húðarinnar. Pepita er notuð með góðum árangri við litabreytingar, öldrunarbletti, óhreina húð, ör eftir bólur, líflausa húð og ótímabæra öldrun húðar. Yfirborð húðarinnar verður slétt, mjúkt og fær mun meiri útgeislun svo tekið er eftir. Hægt er að koma í húðslípun eina og sér eða  taka hana inn í viðeigandi andlitsmeðferðir.


Nudd og maski (30 eða 60 mín)
Góð slökun í 30 eða 60 mín. Yfirborðshreinsun, nudd og viðeigandi maski lagður á andlitið.

Húðhreinsun og eða bakhreinsun (60 mín)
Húðgreining, yfirborðshreinsun og djúphreinsun með kornakremi eða öðrum virkum efnum eins og ensímmaska. Húðin er hituð með gufu eða hitagrímu sem er undirbúningur fyrir kreistun og að lokum er maski valin eftir húðgerð. Á meðan meðferðinni stendur ráðleggur snyrtifræðingur um meðhöndlun um húðina og val á snyrtivörum. Ráðlagt er að fermingarbörn komi 2 – 3 vikum fyrir fermingu í húðhreinsun og fyrr ef húðin er í slæmu ásigkomulagi.